Հարգելի բարեկամ

Ուրախ եմ ողջունել Ձեզ ԼՂՀ կառավարության ինտերնետային էջում:

Հուսով եմ, որ այստեղ Դուք կգտնեք գործադիր իշխանության գործունեության հետ կապված անհրաժեշտ տեղեկություններ, ինչպես նաեւ կկարողանաք ստանալ Ձեզ հետաքրքրող հարցերի պատասխանները:

Կարեւորելով կառավարություն-ժողովուրդ կապի սերտացման եւ հրապարակայնության ապահովման անհրաժեշտությունը, գործադիրն իր կայքում պարբերաբար կտեղադրի կառավարության տնտեսական եւ սոցիալական քաղաքականությանն առնչվող ծրագրերն ու որոշումները, հասարակությանը տեղյակ կպահի տարբեր ոլորտներում իրականացվող բարեփոխումներին, կձգտի հնարավորինս օպերատիվ տեղեկություններ հաղորդել գործադիր իշխանության համապարփակ գործունեության մասին: Երկխոսության թափանցիկությամբ եւ հրապարակայնությամբ է պայմանավորված ժողովրդավարական գործընթացների զարգացումը երկրում, եւ ամեն ինչ կարվի, որպեսզի ամրապնդվի եւ խորանա փոխվստահությունը:

ԼՂՀ վարչապետ
 Ա.ՀԱՐՈՒԹՅՈՒՆՅԱՆ